沙田馬場舉行莎莎婦女銀袋日，一如以往，名人明星雲集，吳若希都有到。

原來吳若希係今年元旦日註冊成立嘅「香港愛馬女士協會」總理，該會由「劍」系馬主許坤華太太葉思貝擔任主席，「友瑩」系馬主楊毅太太胡珮君任副主席，另「劍」系成員莫嘉怡、區結玲及莊幸怡都出任總理。

今日天氣都幾凍，但貪靚更重要，見吳若希套露肩綁帶裙衣衫單薄，都戥佢覺得凍，但見佢喺看台上興奮投入，應該冇問題。至於老公Alex暫未見同行。

吳若希既是香港愛馬女士協會總理之一，亦係馬場常客，與主席葉思貝老公許坤華亦係認識多年嘅好朋友，之前吳若希受訪時都話過好鍾意馬，有興趣做馬主，但需要先辦理一系列程序，暫時都係戥人高興先啦。

更多娛聞，喺晒《娛果》
http://fb.com/appledailyent