蒙嘉慧、名模李嘉慧和陳沛嘉等，昨日在西灣河為「妙韻金鑽耀嘉亨」行騷，示範一億元首飾。蒙嘉慧戴上全場最貴、價值一千萬元的紅寶鑽石頸鏈及手鏈行騷，出場時更有少許腳震，擺甫士亦小心翼翼，蒙嘉慧事後表示壓力甚大，她說：「我未戴過咁貴嘅首飾，之前怕手震，好彩其他model教我用一隻手揸住另一隻。我冇耳窿，惟有戴夾形耳環，我幾驚行行吓跌咗，都唔敢大動作。」

酬勞夠買黃鑽
蒙嘉慧透露因工作關係，不時會收到珠寶作禮物，她說：「送嘅通常都有三、四萬，我都會轉送畀媽咪。」蒙嘉慧又表示最希望買一粒黃鑽，她說：「今日有六位數字酬勞，夠錢買一粒！」
採訪、攝影：JessicaNgan