白頭人送黑頭人,六十三歲的許母哭得幾近虛脫,終日卧床不起。許伯搖頭歎息道,「自從個仔出事之後,我太太就成日喊,喊到眼都幾乎盲,又唔肯食嘢,呢幾日佢只係呷過幾啖粥水,再係咁,我真係怕佢捱唔住。」
飲酒過量中毒
滿頭白髮的許伯夫婦,一心老來從子,一年多前申請居於內地的二子阿生來港照顧他們。為人勤奮的阿生亦不負兩老所望,來港不久後便找到工作,他最初在海味店當售貨員,其後因為店舖結業,他在朋友介紹下轉行任職油漆工人,雖然收入不多,但一直堅持供養父母。
許伯表示:「老實講,我呢個仔搵錢唔多,早排重失業咗幾個月,但佢就算點慳,每個月都會畀幾百蚊我兩公婆買嘢食,做仔嘅都算係咁啦。」
平日鮮有應酬的阿生,日前興高采烈向父母表示,相約了一班同業慶祝師傅誕辰,還着兩老不用等門,未料他卻一去不返。
阿生在席間疑飲酒過量,突然昏迷不醒,送院搶救返魂無術。院方初步懷疑他酒精中毒致命,惟仍要安排驗屍才能確定死因。