當年今日
關於我們

【發媽遺作】周聰玲與母首合演 續篇擬搵周潤發夥拍城城上陣

蘋果日報 2020/06/13 17:27

劉香萍周聰玲

身兼電影《一棵心中的許願樹》監製、執導、編劇及出品人的劉香萍,今日在銅鑼灣舉行電影聚會,出席者有周潤發胞姊周聰玲(玲姐),至於該片的女主角、劉香萍的女兒貝安琪卻沒有現身。
原來玲姐與發媽在4年前有份參與電影演出,可算是兩母女首度在電影中合作,亦是發媽的遺作,玲姐說:「我哋喺坪洲拍,媽咪喺金花誕(每年農曆四月十七日)同長者一齊跳舞,佢好鍾意玩,因為跳舞可以強身健體。」問到發媽有沒有看過這個作品?玲姐表示:「上年上映,我有叫佢去睇,但佢唔得閒冇嚟到。今年2月幾佢登咗仙,不過我都有話畀佢聽。」
玲姐指發媽的骨灰已帶返南丫島,與祖先合葬。問到發哥心情是否已平復?玲姐說:「佢不嬲都平復,但難過一定有,所以要識得放下,帶住牽掛仲辛苦。人生喺地球上只不過是過客,佢都活到99歲,算係一種福氣,要好感恩。」
而自稱去年報名參加角逐奧斯卡的劉香萍,她指去年電影上映時,每場都差不多爆場。她透露電影將會開拍延續篇,有意邀請周潤發及郭富城參演,問她是否已聯絡兩人?她說:「要睇檔期,發媽啱啱離開咗,等佢平復心情先。至於郭富城,我已經搵咗小美傾咗。」不過玲姐表示,不會代為接洽發哥,她說:「佢有經理人,又有顧問,咁多貴人幫佢,所以佢嘅工作,我都唔會接觸。」
採訪:黃曉妍
攝影:陳俊強
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
empty
周潤發胞姊周聰玲表示,她和發媽曾參與該片演出。
empty
發媽在電影中粉墨登場,但卻未有機會親眼欣賞。
empty
劉香萍監製的戲搞聚會,只有玲姐撐場,主角兼她的女兒貝安琪卻沒有現身。
empty
劉香萍聲稱其監製的電影,去年報名參加奧斯卡。