三大直播平台

《果燃台》
《蘋果》Facebook
《蘋果》YouTube

今日警察總部被市民包圍，反惡法怒火未熄。昨晚陶傑在其Channel貼出訪問名作家倪匡的影片，片段中陶傑請問倪匡對前後300萬人上街的看法，倪匡表示當睇電視劇般收看並說：「好多問題想唔通，所以上嚟請教。」陶傑說：「第一個禮拜100萬，第二個禮拜200萬，日本人網上都覺得，香港人真係唔係中國人，嗰時係最似日本人。」陶傑更講笑說可能有外星人改變了香港人的磁場所致。

倪匡自言可以從腦電波討論，但真正原因相信是香港人本質，他說：「平時表現唔到，時窮節乃見，死到臨頭出一次反擊機會，如果呢件事發生之後，香港人冇得過日子。今次香港陷入國際衝突，係非常嚴重對立，將來發展冇人可以想像，最壞係大陸出解放軍鎮壓。睇兩次遊行靈活應變好高，自己知點做，冇實際領袖出嚟。」倪匡引用易經所講「群龍無首」是大吉之象。陶傑認為網絡年代，沒有領袖可以理解，亦不易為對手打擊。

陶傑問到倪匡是否接受特首林鄭出來道歉，倪匡說：「我嘅意見同大眾意見有出入，講出嚟可能俾人鬧。咁大件事冇可能林鄭自己諗出嚟，只有兩個可能。冤有頭，債有主，冇可能一人諗出嚟，一係中央諗出嚟，由林鄭執行。一係林鄭提出，由中央反覆討論，兩樣中央都有參與，而且內地全力支持，一提出中聯辦吹雞叫200人下達命令要佢哋支持，咁樣係公然踐踏、藐視基本法。非但河水犯井水，係洶湧過嚟，井水無喇。香港人最反對法律模糊咗，鄧小平同一班精英，當初經過深思熟慮有度牆隔住，而家要推翻佢。後來見勢色唔對，推晒落佢度。林鄭邊有咁大能量，佢唔係不足，係足過頭，唔係咁落力點會有200幾萬人出嚟吖。」

-----------------------------
7月4日起 《蘋果動新聞》只限升級壹會員閱覽
繼續撐蘋果！
https://hk.adai.ly/e/iIRREmuwDX