季初被德甲班霸拜仁慕尼黑炒魷嘅意大利名帥安察洛堤，近日接受意大利傳媒訪問時，被問及會否擔任意大利下任主帥，肥安就自爆自己唔想教國家隊，依家係到等緊各大球會嘅offer：「我嘅答案係意大利足協必須重組架構，然後再決定任命新帥。而我自己嘅目標，依然係想喺球會執會。」

相關言論傳出後，英媒隨即猜測安察洛堤之所以一直唔返新工，係因為希望重返英超，等緊車路士或阿仙奴嘅邀請再慢慢揀。英國《太陽報》直頭話，肥安對接手雲格做廠長非常有興趣；其實肥安想揀阿仙奴都岩數嘅，點都好過食回頭草返去藍戰士服侍油王吖！

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM