【新增動新聞】
「細旗」（短程）唔做，機場嫌遠，過海唔識路，香港的士司機可以話係服務業界嘅打工皇帝，不過香港嘅的士司機點止咁多優點吖，仲出名到名揚海外，連國際數碼產品大品牌Apple都唱佢哋。佢哋YouTube頻道早兩日出咗條片，用Animoji效果整咗條MV，MV內容係咩呢？就係馳名中外嘅的士大哥喇！

不過首歌就唔係講緊的士嘅拒載問題，而係香港的士司機為咗走多幾轉，所以越揸越快，對香港人嚟講見怪不怪，但對於外國人嚟講，每上一次的士就要預備面對死亡咁，呢首歌正正就唱出佢哋哋心聲。

歌詞提到香港的士司機點解咁匆忙，令到乘客如坐針氈，仲會問乘客旅行開唔開心，但其實作為遊客好驚，驚到縮埋一舊。呢條片只係擺上網短短兩日，點擊率已經去到800萬，令到香港的士嘅特色揚名海外。