現年31歲嘅韓國女星李泰林，早前因為於人氣劇《有品位的她》中飾演小三，跟金喜善爭老公而人氣上升。日前李泰林演出節目時，提到自己因減肥過度而健康出問題嘅事。

李泰林年初演出節目時表示自己為減肥，每日只食三羹飯，因而勁減20多磅，暴瘦至「皮包骨」，令網民非常擔心佢嘅健康。於噚日播出嘅節目中，李泰林表示因為《有品位的她》而迎來事業新高峰，又指劇中一眾演員都好好感情，透露金喜善對佢好好：「金喜善曾表示因為擔心我，叫我要再肥啲。」

提到過去每日只食三羹飯嘅減肥法，李泰林坦承係過激，而且有好多副作用：「之後我曾經聽唔到嘢，亦會不停手震，我嘅人生中唔會再有第二次咁無理嘅減肥啦。」