【武漢肺炎】「大陸真係每日好多人嚟香港」 東方隊長憂出外比賽增感染風險
李琪東方冠狀病毒武漢肺炎ABL
武漢肺炎肆虐，雖然東方主場對新加坡騰飛之獅的東南亞職業籃球聯賽（ABL）今在修頓室內場閉門上演，東方隊長李琪在賽後直言 疫情 尚未受控，自己亦感憂慮。
因武漢肺炎在港持續擴散，康文署在本月29日關閉轄下設施，作為職業球隊的東方亦受到影響，李琪表示：「聽日開始場地有啲問題，康文署嘅體育館同大部份會所都唔開。本身我哋喺修頓練波，但修頓2月除咗（ABL）主場賽事，其他時間都唔開。」
雖然ABL允許東方今日閉門作賽，但李琪坦承依然感到憂慮：「大陸真係每日好多人嚟 香港 ，你唔知身邊嘅人有冇事，最慘嘅係佢哋自己都唔知有冇事。作為球員都會擔心，唔只我，成隊波都係。」
李琪續指，比起留港閉門作賽，他更擔心乘坐飛機到外地比賽，因五湖四海的人聚集於機場，大大增加感染風險，「除咗高鐵，好多人係經機場轉機，你係唔知架嘛，可能同你一班機嗰個都係大陸嚟，你真係唔知。」作為一女之父，他坦承擔心，但現階段只能等待ABL賽會和球隊的安排，「我為自己同球隊擔心，始終疫情未受控。」