【15：43更新】新增影片
屯門寶田邨發生令人髮指的強姦案( http://bit.ly/2r8AFq3 )，涉案男子仍被扣留調查。據知情人士透露，被捕男子6年前亦因在屯門區尾隨獨行女子返家，劫財劫色，他被捕後判囚6年半，早前才刑滿出獄，豈料又涉強姦案被捕。疑犯一名中學同學，對他屢次涉犯風化案感到可惜，有女同學更直言，日後如在街上撞見他，會兜路走。

今次案中的被捕疑犯「阿文」，28歲。據其相熟的同學爆料稱，阿文中學時成績一般，「以前一齊打籃球，都好friend，佢主要打三分」、「冇咁變態，有時陰沉啲。」該同學指出，阿文常向朋友稱：「佢鐘意大波女㗎！」，但萬料不到，他於2011年會犯下非禮及搶劫罪( http://bit.ly/2rlFdbT )。

根據資料，當時22歲的阿文，涉嫌在屯門區內先後尾隨兩名女子返家，其中一名女事主更被推往後樓梯，被人以刀指頸搶走手機，有人更迫令她口交，女事主復遭在臉上射精及以精液塗臉，阿文事後被捕判監禁6年半。

阿文的舊同學稱，約半年前已在屯門區內多次撞見阿文，估計他剛出獄，「喺輕鐵站都見過幾次，佢主動話約出嚟食嘢，見佢個樣冇變，都係著短衫短褲波鞋look。」阿文的舊同學又說，一班女生談到如阿文今次再判監，日後出獄，「佢哋話撞見都會兜路走，但我就唔會，希望佢得到適當治療，唔好再犯事。」

你敢爆，我敢獎！ 即Call《蘋果》24小時爆相爆片熱線 ：63836568