100毛上市真係全城關注，各路股評人都有佢哋獨到嘅見解，八方梗係唔敢亂拋書包啦，之不過好多人都想知，林日曦嘅旅行伴侶民建聯蔣麗芸點睇？八方今日請教過元秋，梗係要同大家分享吓。

100毛收市報6個幾，市值上到17億幾，但元秋好冷靜咁婉拒買100毛股票嘅建議，仲祝賀買咗100毛股票嘅股民好運。嗱，元秋家族嘅震雄集團呢，收市則報兩個幾，市值只係14億幾，但元秋咁講，並唔係話葡萄100毛，相反元秋話喎，今日大家不斷回帶，話佢曾經笑過100毛本「雜誌仔」就嚟「釘」，佢就相信100毛係經過佢嘅激勵，於是轉型做廣告，跟住先有今日嘅成績，所以佢都好替100毛開心，並且提醒林日曦要好好地對啲股民，同埋記住每年都要派息喎。