當年今日
關於我們

【名家搶先睇】神車無敵四賣點(魏力)

蘋果日報 2015/05/10 06:00

魏力神州租車名家搶先睇異動空間

戰友一望條題,以為魏力渣流攤,想寫停牌中的南北車?錯了。真正的「神車」應該是今日介紹的神州租車(699)。有幾神先?至少四方面。第一,神車搵咗世界男神之一碧咸做代言人,大陸人愛國但崇洋,你懂的!

第二,中國14億人口,但租車市場方興未艾,隨著中產高速崛起,自駕遊需求將現爆炸性增長。神州租車目前為中國最大租車商,去年底車隊有6.3萬架車,首季估計增至7萬架,排第二至第十的車隊加埋,都唔夠神車咁多!在此燒車行業,財雄勢大者勝,最近與上海大眾汽車合作,日後料更多車商靠攏,強者越強。

第三,O2O網上落訂,網下拎車,安全、價格、接單率三方面,神車遠遠拋離對手。集團全部用正規租賃車輛,唔怕係黑車,司機均受過培訓。租車範圍涵蓋70大城市,近乎無死點。規模效應加上優惠不絕,神車質優之餘價格亦較同業低。

第四,港股通股票,品牌效應勢吸引北水繼續掃貨。另一方面,摩通剛出報告將目標價提升至21元,連外資行亦認同加入追貨,股價勢水漲船高。CCASS顯示,首十大證券持股近95%,街貨乾哂,要搶唯有付出更高價錢喇!

http://www.facebook.com/2012jason