「宅男女神」陳瀅、張家輝、Dear Jane同埋香港拳王曹星如噚晚喺洲際酒店出席一個智能手機宣傳活動。

陳瀅自從同賭王四房長子何猷亨分手後，感情未有着落，呢排都係忙住工作，佢話聖誕可能會返溫哥華同屋企人過，咁有冇人追先？佢話：「唔知，去玩都係有男有女，自己冇諗過拍拖。」陳瀅仲主動提到娛圈最近好多人結婚生仔，佢話：「恭喜佢，每個人唔同風格，我自己想揀private啲，浪漫兩個人知得喇！」講到好友何雁詩，之前有套艷情片女主角勁似佢，陳瀅話：「冇睇，但知佢否認咗。」