隔牆有耳：
三靚太佔中 賀紀寬樂搬醫務所 - 李八方
蘋果日報 2014/09/04 00:00
三子未佔中，噚日先有三位阿太率先佔領中環，個個着得靚一靚，踩入名醫匯集嘅中環中建大廈，齊齊捧心臟專科醫生紀寬樂喬遷之喜。邊三位阿太咁捧場？咪就係唐老太尤淑圻、孫明揚太太鍾小芬以及賭王四太梁安琪；佢哋查實唔係紀醫生嘅病人，反而係因為保良局而同紀醫生結緣，大讚紀醫生係妙手仁心。
查實紀寬樂原本喺尖沙嘴設醫務所，但佢話自由行推高咗租金，頂唔順之下搵竇搬，結果託朋友搵咗中建，加入名醫匯聚地。活躍於社交圈子，現為保良局總理嘅佢，特別喺噚日搞喬遷派對，多謝各位靚太到賀。
查實紀寬樂原本喺尖沙嘴設醫務所，但佢話自由行推高咗租金，頂唔順之下搵竇搬，結果託朋友搵咗中建，加入名醫匯聚地。活躍於社交圈子，現為保良局總理嘅佢，特別喺噚日搞喬遷派對，多謝各位靚太到賀。
四太話唔會選特首
久未露面嘅唐老太，噚日以一身黑底彩衣長裙捧場，曾為保良局總理嘅佢話同紀醫生係多年老朋友，希望佢繼續努力。佢笑稱自己不理政治，唔識評論政改點睇，等個仔、即係唐唐去理就得啦。此時企喺唐老太身邊嘅孫太，做厚多士插嘴話唐太𠵱家只理麻雀，搞到唐老太笑晒嘴。至於唐唐仲選唔選特首？唐老太笑稱阿仔咁大個人、理佢唔到了。
至於孫太，亦以型格黑灰look現身，不時參與保良活動嘅佢亦大讚紀醫生好有善心，親力親為積極推動醫療服務。
賭王四太梁安琪亦百忙中以紫色閃耀扮相登場。有記者問佢啱啱過去嘅澳門特首選舉係咪選舉？佢話見仁見智，因為澳門有澳門嘅文化。對於香港政改爭拗，佢比喻話：「一間公司冇爭拗又點會好呢？最緊要個結果係好。」但佢表明唔會選澳門特首，因為太忙同冇魄力，做埋呢幾年嘢，想去遊埠增進第二啲見識。佢噚日仲以保良局主席身份，接受紀醫生叫來賓折現花籃而籌得嘅22.8萬善款。
至於孫太，亦以型格黑灰look現身，不時參與保良活動嘅佢亦大讚紀醫生好有善心，親力親為積極推動醫療服務。
賭王四太梁安琪亦百忙中以紫色閃耀扮相登場。有記者問佢啱啱過去嘅澳門特首選舉係咪選舉？佢話見仁見智，因為澳門有澳門嘅文化。對於香港政改爭拗，佢比喻話：「一間公司冇爭拗又點會好呢？最緊要個結果係好。」但佢表明唔會選澳門特首，因為太忙同冇魄力，做埋呢幾年嘢，想去遊埠增進第二啲見識。佢噚日仲以保良局主席身份，接受紀醫生叫來賓折現花籃而籌得嘅22.8萬善款。
賭王四太梁安琪亦以紫色閃耀look登場。