潘頓開季以來好努力贏馬，今晚跑完頭四場已憑頭場「電訊超星」及第四場「幾叻仔」起孖，累積連勝七日共取12W，頭馬總數增至16場，將領先韋達之優勢由原本兩W加大一倍到四W，繼續高踞榜首。事實佢頭四場全上名共獲兩冠兩季，就知佢近期鬥志十足，相反韋達頭三場全部落第。至於第四場二、三名分別係「齊飛」及「愛眼光」。