陳豪因廖碧兒搭上李澤楷表弟、富二代林忠豪，慘遭狠撇，6年情玩完。陳豪自分手後一直寄情工作，昨日有報道指陳豪有愛情滋潤，他因拍攝無綫劇集《心戰》，與家境富裕的06年港姐冠軍陳茵媺撻着。

大讚聰明

上周陳豪被拍得到陳茵媺位於將軍澳清水灣半島的香閨度春宵，昨日記者致電陳豪，他否認與陳茵媺拍拖：「我去睇樓咋，唔係大家諗嗰啲。」兩人是否有機會發展時，陳豪即大讚女方說：「講真我好欣賞佢，佢係一個好聰明，學嘢又快嘅女仔。」會否追陳茵媺時，陳豪有保留說：「大家係好好嘅同事，將來嘅事將來先知。」至於陳茵媺，昨晚她在電話中否認戀情及陳豪到過她家，她說：「我承認陳豪係好男人，但我冇時間拍拖，家專注工作。」
採訪：StephenieYeung、SnowYip