今日蔡思貝喺尖沙咀鐘錶行出席開幕剪綵儀式，最近佢又傳翻撻《狂舞派》舞蹈總監麥秋成，二人仲由將軍澳搬到清水灣村屋共賦同居。

今日記者追問完同場鄭嘉穎同陳凱琳嘅緋聞，之後話題亦好自然轉到蔡思貝身上，佢今日背心短裙打扮青春迫人，講到同麥秋成同居一事，佢話：「係咩！冇睇到，唔講戀情，專心工作。」佢多番拒絕回應同麥秋成嘅同居關係，被問到有否出入麥秋成住所，佢話：「我唔提呢啲嘢。我想專心工作，其他人嘅嘢我就唔講。」佢又表示自己係單身，又話同麥秋成係朋友：「男女關係講得太多，希望大家講工作。我唔想講朋友嘅嘢，我哋係朋友關係。」