由宋康昊、劉海鎮及柳俊烈主演嘅《逆權司機》自本月2號上映以來票房一直高鋸票房冠軍，下月21號《逆權司機》更會喺香港上映。

《逆權司機》喺上映第19天就突破千萬觀影人次，成為今年韓國第一齣電影突破千萬觀影人次，而韓國時間今早8時，《逆權司機》更突破1,100萬觀影人次，宋康昊有望突破同樣佢主演嘅《逆權大狀》1,137觀影人次嘅紀錄。

而由李鍾碩、張東健等主演嘅新片《V.I.P》已於大前日開畫，開畫至今《V.I.P》就成功狙擊住《逆權司機》嘅票房，噚日《V.I.P》單日有逾14萬名觀眾捧場，累計觀影人次逾48萬。至於《逆權司機》就依然強勁，噚日單日繼續有逾11萬名觀眾捧場，排單日票房第二位。