雨落個唔停，令原已麻煩的賽事形勢更添不明朗，經過連日大雨，草地跑道已飲飽水，若持續有雨，預計利內叠前置偏差，會否變為利外叠後追？臨場記得執生，更應有此心理準備。潘明輝出道在港九戰例贏，今戰（18日）又有實力馬。

第六場三班草地1800米，「勝利仔」若有埋變化地幫助，贏面將有增無減，此駒今季當打，只跑七場全入三甲，而且拼搏有度，來到季尾仍有充足體力，用潘明輝孭116磅，夠贏！

同場「蓮花巨星」轉用莫雷拉，可否抵銷多負11磅屬疑問，馬已見盡，淋地績一般，也是要考慮問題。「安荃」證三班負重磅也夠惡，可是若跑變化地，重磅會辛苦。「綠色勁駒」亦然。

「君臨大地」排外檔正常場地會覺輸蝕，但若跑變化地，則可能有好無壞。「華麗再現」超銳，殺上三班改負輕磅，無莫雷拉一樣可以考慮。「閃電王」失準不可靠，淋地性能則證明唔錯。