帶師妹返公司賀年
陳瀅深閨靠愛犬生財
蘋果日報 2016/02/11 00:00
有「宅男女神」之稱的陳瀅（Jeannie）與賭王四房公子何猷亨戀得火熱，不過Jeannie未有忽略工作和朋友，榮升做師姐的Jeannie，日前更相約同門黎紀君（Christy）、袁澧林（Angela）和梁諾妍（Inez），齊齊返公司向老闆鄒世龍拜年。Jeannie當日更與新歡同行，不過不是何猷亨，而是愛犬Baymax。討得不少同事喜愛的Baymax，成為爭抱抱對象，其後Jeannie更抱着Baymax見老闆，結果得到一封大利是。
陳瀅抱愛犬Baymax返公司，𢭃雙倍利是過肥年。
試拍歌舞片
低調處理感情事的Jeannie，依然避談會否到男友家拜年，她只說：「我喺香港冇乜屋企人，大部份喺晒溫哥華，所以好少去拜年，惟有靠兩隻狗幫我去𢭃多啲利是。」Inez說：「我喺澳門出世，所有親戚都係晒嗰邊，所以全家人年初一會返去同公公、嫲嫲拜年，會喺嗰邊三幾日。」Christy亦說：「我哋屋企都有好多親戚，所以呢幾日都好忙。」而Angela笑稱今年會反傳統，與屋企人齊齊到日本旅行。
至於猴年大計，Jeannie和Angela會全力在娛樂圈發展，Jeannie更說：「我今年有一個新挑戰，嚟緊會有機會拍一套唱歌同跳舞嘅戲，希望唔會令大家失望。」Inez說：「我希望呢一年可以拍多啲嘢。」Christy：「今年對我嚟講係一個新開始，我今年畢業喇！最大希望可以順利畢業，跟住會喺娛樂圈發展。」
採訪：何慧斯
攝影：陳志嵐
服裝提供： ANNE AND THE CRWD of I.T（陳瀅、袁澧林）
PAC of TWIST（黎紀君、梁諾妍）
髮型：SKY WONG of LA MOD Salon（黎紀君）
至於猴年大計，Jeannie和Angela會全力在娛樂圈發展，Jeannie更說：「我今年有一個新挑戰，嚟緊會有機會拍一套唱歌同跳舞嘅戲，希望唔會令大家失望。」Inez說：「我希望呢一年可以拍多啲嘢。」Christy：「今年對我嚟講係一個新開始，我今年畢業喇！最大希望可以順利畢業，跟住會喺娛樂圈發展。」
採訪：何慧斯
攝影：陳志嵐
服裝提供： ANNE AND THE CRWD of I.T（陳瀅、袁澧林）
PAC of TWIST（黎紀君、梁諾妍）
髮型：SKY WONG of LA MOD Salon（黎紀君）
四師妹及Baymax向老闆拜年，可愛的Baymax亦𢭃得大利是一封。
梁諾妍及黎紀君願望猴年行大運，工作發展順利。
陳瀅與師妹寫揮春應節，增添過年氣氛。