【同女友成都睇熊貓】見到囡囡就會笑 陳冠希：結婚只是一張紙

蘋果日報 2017/09/04 13:27

陳冠希成都熊貓囡囡婚書
    陳冠希(Edison)之前就係網上同余文樂展開罵戰( 新聞連結： http://bit.ly/2uETAyy )，跟手Edison就晒張囡囡相，炫燿自己嘅成功感( 新聞連結： http://bit.ly/2iTP21N )，最後件事就梗係不了了知啦！
    有女萬事足嘅Edison，就梗要努力賺錢養家啦，日前佢就去咗成都參加音樂節，同宣傳佢嘅新專輯喇！有網民就發現，原來今次Ediosn並唔係一個去成都，原來佢女友秦舒培都有同行，仲有網民發現佢哋兩個一齊去咗探大熊貓㖭！相中，佢哋兩個着上一黑一白嘅情侶Tee，邊睇熊貓邊耳語，真係好鬼Sweet㗎。而Edison亦喺佢微博貼咗一張熊貓相。
    而噚日，Edison喺成都出席新專輯發佈會時，被大陸傳媒問到囡囡Alaia出世後，佢有啲咩改變？佢話：「Alaia出生後就覺得每天都很開心，就算有不開心的事，我看到她就會笑，覺得這個世界其他的東西都是屁，希望我可以好好做一個爸爸。喜酒真的不知道什麼時候，現在和舒培、Alaia天天都過得很開心，結婚只是一張紙，最重要的是感情。如果真的有一天我們會結婚，就看哪個媒體給最多錢，我們獨家賣給你們。」
    empty
    陳冠希到成都工作，女友秦舒培都有同行。(互聯網圖片)
    empty
    陳冠希噚日出席新碟發佈會，笑指的有一天我們會結婚，就看哪個媒體給最多錢，我們獨家賣給哪傳媒。
    empty
    佢哋仲一齊去睇熊貓㖭！(互聯網圖片)
    empty
    (互聯網圖片)
    empty
    陳冠希自己都有喺微博貼咗熊貓相。(微博圖片)
    empty
    陳冠希話見到囡囡就好開心。
    empty
    陳冠希話，結婚只是一張紙，最重要的是感情。