【有料到】潘頓不願放手！改跑1800米「我願意」（韋倫）
蘋果日報 2019/12/06 21:35
潘頓蘇偉賢我願意國際賽日1800米
我願意（左）季內兩戰最叻第三
蘇偉賢今季賽績理想，主要受惠具潛質的三班質新馬不斷取得好成績，令頭馬數字持續上升。
周日（8日）國際賽日賢廐又派出多匹實力馬上陣，值得重視。
第二場三班1800米的「我願意」上季至今一直被寄予厚望，可惜迄今只得一Win實在有落差。
上次報跑2000米因血液異常退出，匆匆再出轉換配備再臨，可協助馬房於國際賽日揚威。
「我願意」上季短途起步，不過一早知道性能偏長，很快便增程至1600獲勝。
升至第三班後，「我願意」雖然未再獲勝，不過仍能數度上名，只差少少運氣。
此駒上仗重配贏馬拍檔潘頓，發力略早些少，後上馬最後200米已出頭，卒之被對手後上所擒。
上賽退出後需要試閘，刻意考驗走勢甚勁，1800米相信是如今最合適路程，加上有潘頓壓陣，配合馬房最近攻勢，可期坐位望贏。