呢兩個月真係有好多韓星嚟香港，今個禮科就有CNBLUE同埋FTIsland等嚟亞博館搞家族騷，崔始源本周六又會嚟香港出席品牌活動，月尾24號就有《愛上哪個我》男星池晟去將軍澳東港城，30號就有李鍾碩搞粉絲見面會同埋BEAST開騷，真係好鬼熱鬧。

下個月都冇得休息，除咗韓國天團BIGBAND會於6月12號至14號喺亞博館開騷外，憑韓劇《Healer》而人氣急升嘅男星池昌旭亦已落實喺下月20號喺在九展StarHall舉行首個香港粉絲見面會《2015HongKongThisisJCW》，票價由$480-$1380不等，門票將於稍後公開發售，池昌旭喺香港見完港迷後，就會再到亞洲各地舉行巡迴粉絲見面會，真係冇得休息。