【天氣預測天晴乾燥】谷C後追馬佔上風 方嘉柏發動攻勢「獲利」
蘋果日報 2019/12/09 17:27
方嘉柏事必獲利後追馬天晴乾燥精彩飛動谷草C跑道
周三（11日）晚谷中用C跑道作賽，天文台預測屆時日間天晴乾燥，而暫時估計當晚場地掛牌為好地。
睇番上季國際賽後谷戰亦係用C欄，當晚後追馬絕對唔蝕底，而且半數頭馬排10檔或以外參賽建功。
其中，「葵涌老友」及「型酒杯」當時均在直路從尾叠後上反先所有對手勝出，所以今次不宜過份側重內叠前置馬，靠後勁食糊馬反而更值得捧場。
星期三出賽馬中，以方嘉柏麾下其中兩駒最值得關注。
第六場三班1650米「精彩飛動」，過去三次跑谷草C欄勁取兩冠一殿，本身慣性後追，回師強項有力恢復好表現。
第七場四班1650米「事必獲利」，之前曾一次角逐谷草C欄一哩即勝，亦是今場唯一贏過此欄位之馬，強配潘頓值得睇好。
方嘉柏（右）現處練馬師榜第二位
九歲馬事必獲利，在港服役長達五年，僅曾一戰谷草C跑道，當時勝出四班一哩。
精彩飛動（左）在谷中跑慣跑熟