英女皇伊利沙伯二世（QueenElizabethII）打破維多利亞女皇嘅紀錄，成為英國在位最長君主。現年89歲嘅英女皇，經歷過唔少風風雨雨，但數到人生其中最難忘嘅一夜，佢就表示係1945年歐戰勝利紀念日。當晚佢同妹妹瑪嘉烈公主一起喬裝到宮外和大眾一起慶祝戰爭結束。

呢件事今年被翻拍成浪漫喜劇《皇家公主出走記》（ARoyalNightOut），紀念歐戰勝利紀念日70周年！電影得到皇室御准，可在白金漢宮外圍嘅儀仗道林蔭路拍攝，實拍皇家衛隊換崗嘅浩蕩畫面，成功重現英倫於1945年嘅景況，被大讚真實感重。

呢套剛喺香港上畫嘅《皇家公主出走記》，由《德古拉伯爵：血魔降生》女星莎拉加頓（SarahGadon）扮演少女英女皇，佢特別從紀錄片中模仿英女皇喺19歲至20歲時嘅口音和語調，又趁開拍前跟歷史顧問學習英式禮儀，令演繹更加神似。