作為一家要經常隨着市場口味變化而不停轉變的餐飲企業，大家樂主席陳裕光表示，除了進行傳統的市場調查外，集團也有透過互聯網與顧客交流及進行推廣。陳裕光說：「早於07年，大家樂經已開始使用互聯網，去接觸年齡介乎20至30歲嘅年輕顧客群，並開始了解到互聯網嘅威力。不過當時集團只係好簡單咁用嚟做廣告，09年嗰陣再試過搞網上遊戲，喺2010年，公司就喺網站推廣社會責任。」

虛實結合　再添趣味

由於早已了解網上世界威力，他表示，當知道有VDONext遊擊賞後，便認為大家樂可以採用。「我最鍾意係呢個平台並唔係單向咁賣廣告，係可以將網上嘅虛同大家樂嘅實結合，仲加埋趣味嘅元素落去。」
陳裕光指出，決定採用VDONext遊擊賞後，曾與壹傳媒（282）主席黎智英共膳，一起研究這個創新的網上推廣計劃。他說：「與黎生嘅一席話，令我覺得佢對呢個計劃非常有熱誠。」
壹傳媒網絡播放行政總裁畢明（Elaine）則向本報表示，選擇大家樂及佐丹奴（709）為首批合作企業，主要看中兩者均是着重創新的公司，亦很了解這個將影像、社交網絡及遊戲結合的創新意念，稍後將會與百老匯電影院線及一家主題公園合作。