科健五顏六色喇叭王
蘋果日報 2004/02/09 00:00
大勢所趨之下，好多新款手機都鍾意玩換殼，等用家可以左搭右搭；相反唔可以換殼嘅手機，顏色通常都係一隻起兩隻止。不過日前旺角先達就有隻科健K616水貨返咗，而且一嚟貨就有五隻顏色。
記者、攝影：劉耀祥
記者、攝影：劉耀祥
呢隻科健K616，街舖已見橙、紅、黑、淺藍及紫色五色殼，水貨都可以返多款顏色，都可以算係近排少見嘅景象，之但係未必間間舖都會返足五隻顏色，所以睇中心水顏色嘅用家可能要行多兩間問吓。
講番部機，唔單止個顏色夠Sharp夠搶眼，拎上手相信都會玩唔停手，皆因K616同三星P408一樣有個扭擰芒，而且筆者覺得更優勝嘅地方就係，影相快門掣放喺機頂天線隔籬，配合個機側嘅影相鏡頭，真係好似拎住部超小型DV。雖然鏡頭像素只有10萬，彩芒亦只係6萬5色，不過筆者認為兩者表現十分出色，影相畫面清夾快，用起上嚟比想像中好。K616開價$2,680，雖然係內地水貨，不過都有繁體中文顯示，啱晒香港人嘅胃口。
講番部機，唔單止個顏色夠Sharp夠搶眼，拎上手相信都會玩唔停手，皆因K616同三星P408一樣有個扭擰芒，而且筆者覺得更優勝嘅地方就係，影相快門掣放喺機頂天線隔籬，配合個機側嘅影相鏡頭，真係好似拎住部超小型DV。雖然鏡頭像素只有10萬，彩芒亦只係6萬5色，不過筆者認為兩者表現十分出色，影相畫面清夾快，用起上嚟比想像中好。K616開價$2,680，雖然係內地水貨，不過都有繁體中文顯示，啱晒香港人嘅胃口。
$2,680
■K616雖然冇外芒，不過機面「KEJIAN」字內藏藍燈。
查詢：27717141（萬方科技）
■機背大大個喇叭，40和弦聲量足夠。
■鏡頭與影相掣位置有心思，手感極之好。