日本女歌手濱崎步今日喺Instagram上載咗一張同醫科學生老外丈夫喺夏威夷海灘嘅合照，由於近幾個月來，步姐盛傳離婚，佢突然晒同老公合照以為佢哋齊齊去旅行晒幸福，點知步姐自爆呢張係舊相，佢留言話：「好懷念呢張喺夏威夷影嘅相，朋友們最近都去外地過新年，我就留喺東京，ILoveToyko。」

步姐晒同老公舊相，搞到大家都推測佢究竟想點，因為最近佢同御用舞蹈員SHU-YA糖黐豆，早排去台灣拍MV仲好親密咁，加上盛傳離婚，所以好多人以為佢移情別戀，今次突然晒同老公舊照，網民都估計步姐係想辟謠。而步姐又喺Instagram上面話好掛住台灣，仲話好可惜冇時間見同佢合作過嘅JJ林俊傑。