汽車改裝問題一向都係各汽車Q&A欄目嘅熱門話題,而筆者手頭上就有一位讀者,來信詢問佢嘅本田Civic,如果要更換避震的話,應該用長芯還是係短芯呢?另外又有甚麼分別呢?
老實講,長芯同短芯嘅分別只在於該套避震嘅規格點樣講,肉眼好難睇得出係長芯定係短芯;而市面上適合Civic用嘅避震套裝,熱門選擇總係離唔開TeinHA同Tanabe嘅絞牙款式,而呢兩款避震嘅售價大約為數千元。
至於長芯同短芯嘅問題,理論上短芯係較為可取;其中Tanabe講明要旨,話自己係短芯設計。由於呢套絞牙避震把車坐低咗約一吋,短芯嘅避震安裝後唔會頂着頂托,避免行車時出現怪異雜聲,同時亦直接發揮咗其性能。
就呢位讀者嘅問題而言,短芯係較長芯好;但筆者向來亦強調,絞牙避震並唔適合日常行車之用。呢種絞牙避震始自國外嘅SundayRacer,佢哋嘅汽車日常係作代步之用,而假日就去賽車場比賽;為減低成本便以一套可調式避震去迎合唔同嘅路面需要。若絞牙避震用作日常行車之用的話,喺凹凸路面上行車實在唔係一件樂事。
文:陳自齊