Teresa先指出，其父確診武漢肺炎，全家過去半年未曾到過中國內地，相信是人傳人個案，「𠵱家拉埋全港政府陪葬有用嗎？」其後再發文批評林鄭月娥未有封關，包括北韓等多個國家均禁止中國人入境，「我哋全能嘅香港政府卻以為以香港薄弱嘅醫療系統，可以拯救到中國14億嘅蠻族」。
她質疑，「你係邊度來嘅自信？點解唔早早封關，然後等14日後再無新case（個案），之後再逐步開放返啲人入境？」現時其親戚、朋友、同事均人心惶惶，擔心亦受感染，「然後今（昨）日林鄭仲同人講無病可以唔使戴口罩，我真係唔知佢邊度來嘅自信」。
她續說，一點都不會怪責醫護罷工，普通市民只能勤洗手、撲口罩和消毒物品，平時需要上班或買餸，難以24小時躲在家中，「就算我真係24小時留喺屋企，又真係躲得過？」
昨晚與母親一同被送往聯合醫院的她最後指，父親確診說明武漢肺炎已在社區爆發，「香港人，自求多福啦」。
■記者曾偉龍