【更新資料】

今日(25日)沙田八草兩泥賽事，草地用全闊A欄，度地儀指數2.72，場地掛牌為好地。今日將不會進行壓地。

季尾階段場地偏差嚴重，內叠前置馬佔盡優勢，以最近5月28日同一移欄為例，當日掛牌好地至快地及度地儀指數2.71，共有七匹頭馬守前三位入直路建功，「綠色勁駒」、「劍斷浪」、「永旺年年」及「獅子驄」更加擺前帶到，但當遇到步速快場合，也出現「軍必勝」和「常拼常勝」後上贏馬情況。今戰列陣馬中，第十場「福愛寶」上仗正是於5月28日田草A欄勝出，亦係全場唯一贏過A欄之參戰馬。另外，第七場「勝得威」跑田草A欄1400米一次即勝，近兩仗均一放到底，藉形勢之利可故技重施。

泥地方面，硬度計指數9.17及掛牌濕慢地。今日兩場泥地皆為1200米，最近6月11日三場同程賽事，當中「大收成」及「盈利駿馬」一放到底勝出，今日第五場「飛霞」及第九場「歡樂一生」等擅跑泥地之前置馬咪睇小。