Super Girls 5個女仔入行多年發展越嚟越好，Heidi同Cheronna拍過大台劇，其他成員Aka、Yanny及Jessica都有唔少機會拍戲o添！不過佢哋今日驚傳拆夥，有指Aka同Heidi原來喺年初齊齊簽約電影公司，而Cheronna、Yanny及Jessica另作打算。

而《蘋果》就搵嚟佢哋嘅隊長Aka，佢就話：「其實我哋唔係拆夥，純粹係我同Heidi簽咗一間叫非凡娛樂嘅電影公司，可能可以參與一啲電影咁，都好多謝電影公司安排，例如功夫堂、演戲堂、國語堂畀我哋，好多謝佢哋嘅栽培。」Aka仲大派定心丸話一定唔會拆夥：「我哋Super Girls嚟緊都會陸續推出唔同嘅慢歌、快歌、跳舞歌，另外，我哋都接咗個代言廣告，不過詳細未講得，我哋五個會一直做落去，大家放心我哋唔係拆夥。」

哦！即係Aka同Heidi多啲機會拍戲，SG仲會一齊做音樂嘅！