【嶺大50年】杜琪峯黃修平拍片贈慶 傳揚博雅精神
潘恆生黃修平杜琪峰嶺南大學
今年喺嶺南大學喺香港復校50周年,佢哋嘅視覺研究系籌劃了《嶺南5.0電影系列》,請咗導演杜琪峯、黃修平、阿發外父名攝影師潘恆生等人拍攝五套短片。
五部短片噚日喺又一城舉行首映,幾位導演都有到場,計劃嘅創意顧問兼嶺大榮譽院士嘅杜琪峯導演話:「嶺南大學嘅特色嘅博雅教育,主要目標係培育有人文素養嘅世界公民。知書達禮、明辨是非同服務社群都係博雅嘅實踐,亦係香港人引以為傲嘅價值觀。」
杜Sir喺嶺大視覺研究系師生協助下,募集咗一批以「博雅」為主題嘅影音作品,剪輯成一套名為《幸福的是…你還可以選擇》嘅短片,展現嶺大嘅「博雅精神」。
另外,潘恆生導演嘅《綠塵》借兩夫婦就生活瑣事吵鬧到互相諒解,體驗夫婦間互讓互諒。黃修平製作嘅《苦甜》借一首黑朱古力的廣告歌,如何影響人生。
精選娛聞,喺晒《娛果》 http://fb.com/appledailyent
杜琪峯噚日出席又一城舉行嘅微電影首映,同一班師生合照。