港府硬推《逃犯條例》修訂，保安局局長李家超更指法律界因「誤解」，以致反對修例。面對惡法修例殺到埋身，《蘋果》即日起找來法律界權威人士，將每日為大家解釋對修例的看法，逐點反駁李家超「誤解論」。

今日就由資深大律師李柱銘，戮破《逃犯條例》修訂的謊言。

問題：政府高官辯稱回歸前訂立的《逃犯條例》並非刻意剔除中國，此說真確抑或誤導？

李柱銘：因為香港同內地制度唔同，所以過去先至冇落實引渡安排，《基本法》都冇寫落去，你睇英國政府到而家都唔肯同內地簽（引渡協議），可見香港回歸前安排係冇問題，而回歸後歷屆香港政府都唔郁，所以肯定係蓄意（剔除中國）啦！

睇返英國政府最近公開30年前嘅文件，都話中國政府同意唔好搞（中港引渡）住，呢個做法係想等內地（法治）變好㗎嘛，鄧小平構思嘅「一國兩制」要香港50年生活不變，就係希望內地進步上嚟先同香港銜接，佢哋（內地）應該改好佢，而唔係好似而家咁夾硬嚟。

李家超話法律界唔了解修例，政府咁都講得出，邊個信佢得㗎？同埋而家律政司司長都自身不保，佢（鄭若驊）自己都冇樣掂！政府係夾硬嚟，唔理真理喺邊度，講得出就講，仲要立法會啲保皇黨全部聽話，咁其實好侮辱佢哋，你當佢哋係乜？政府根本當佢哋唔係人嚟，你（政府）做傀儡就好啦，唔好當佢哋都係傀儡得㗎！

昔日新聞：
電視辯論互叫熄咪 曾：你係撕裂2.0 林鄭：會順應民意辭職

【引渡惡法●懶人包】大律師公會逐點K.O.政府修例理由
【引渡惡法●懶人包】一文睇晒立會法律顧問7點質疑修例

民陣6.9反惡法遊行

日期：6月9日（日）
集合地點：維園草地
時間：下午2時30分集合、3時正起步
遊行路線：維園草地遊行至金鐘添美道立法會

---------------------------
【六四30】守住歷史 拒絕遺忘
https://hk.adai.ly/zdzKtt2RiW