八、九十年代曾冒出幾隊女子組合，不過大部份都是曇花一現，直至千禧年殺出一隊Twins，才真正算得上成功。

Face To Face
由蔡惠玲、吳少芳（Jodi）組成，以《情迷Milano》成名，92年Jodi和其經理人駕車返將軍澳寓所遇車禍，Jodi四肢癱瘓，經理人逝世，Face to Face隨之解散。

Echo
由李蕙敏同區海倫喺1989年組成女子組合Echo，不過出道三年就拆伙，有傳佢哋係不和先至「分手」，解散後李蕙敏就去咗電台做DJ，之後仲單飛做歌手，而區海倫去咗大台做主持人，之後仲同香港三大紡織廠創辦人之一陳元鉅嘅囝囝陳仲尼結婚，佢仲表明寧願湊仔，冇打算復出。

夢劇院
李敏同劉文娟於88年組成「夢劇院」，佢哋走文青女路線，吸納咗少宅男fans，亦係80年代好受歡迎嘅組合，佢哋嘅《飄去夏天》、《天生一對》唱到街知巷聞，其後劉文娟去日本做交換生，之後又到李敏去加拿大讀電影，夢劇院正式解散。李敏其後成為作家，仲同經理人李進結婚，育有兩女：長女李思、幼女李悅。