韓劇《巴黎戀人》39歲女星金晶恩，早排被爆將會做3月新娘，跟同齡嘅金融才子男友於美國拉埋天窗。今日，Sim事務所就宣佈金晶恩已經擇好吉日，將於3月28日喺美國舉行婚禮，而婚禮唔會鋪張，只會邀請一對新人嘅近親好友出席，分享佢哋嘅喜悅。

至於金晶恩婚後會唔會息影，全職做家庭主婦？Sim事務所就拍晒心口話金晶恩婚後會繼續演戲。梗係啦，金晶恩冇幾耐之前先同事務所簽咗約，成為周元、金允錫等男星同門，事務所點會肯放人呀？