AI及大數據發展事在必行，中國及美國走得最前，最新留意到Uber透過AI分析用戶Call車時有否飲醉酒，用一系列數據分析，若判定為醉酒客，就會安排呢張單俾特定嘅司機，以減少爭拗。

聽Uber講，由Call車一刻計算，透過AI分析佢打字嘅速度、準確度（撳錯制嘅次數），甚至係拎起手機嘅角度，行路時嘅步伐（有冇左搖友擺），就連選上落車地點合唔合理等因素都計算埋，分析客人有冇飲醉酒，以其醉嘅程度，判斷為醉酒客，再將單分給較有經驗或者車廂較大嘅司機，減少醉客影響司機，提高司機應付客人嘅能力同機會等等。聽落覺得好貼心同神奇，而事實上AI做到呢點一啲都唔難，Uber更將呢項分析技術申請緊專利。

筆者又諗起，近日北上深圳某間酒店，發現前台接待客人，竟然係一部1米高的機械人，呢個機械人只是一個圓柱體形狀的機器，底部有4個車輪，識講嘢識行，搭電梯時仲識得分樓層，帶筆者到指定層數及房間，咪睇呢個好似流動垃圾桶嘅機械人，做到以上工作已經算交足功課，有能力取代員工部份工作。

香港AI發展落後中國幾千丈遠，創新發展永遠只係得地產項目，但諷刺的是，香港並非一個智能城市，而是一個智障城市。10個地盤有4個出現致命性錯誤，都可以當「個別事件」處理，問責制其實只係卸責制。

斯郎
https://fb.com/oneroadonebelt/

蘋果財經，關心你飯碗
http://fb.com/appledailyatm