成日都話「有其偶像，必有其粉絲」，o依家正演出熱播劇集《愛你的時間》女星河智苑向來都好熱心兒童公益，而佢嘅粉絲為咗可以同偶像一齊做好事，近日就以河智苑個名向有需要嘅人捐出過千公斤嘅米。

河智苑嘅所屬事務所表示粉絲團為咗支持河智苑拍攝《愛你的時間》，早前喺電視劇記者會上就結合韓國、中國、日本、越南等多地粉絲，用象徵「LOVE」嘅數字1023，以及用河智苑個名捐出1023公斤嘅米。

粉絲團方面表示希望迎合平時熱愛兒童公益活動嘅河智苑嘅心意，捐出嘅米將會向單親家庭等政府福祉未能涉及到嘅人群，而當中有25個兒童家庭已經受惠，認真有意義。