【本報訊】翁靜晶（圖）昨在fb發文指大埔廣場東亞銀行分行「成間唔見咗」，向附近店舖了解後才知銀行2017年搬遷，並強調事前「完全沒有收過任何通知」，擔心其銀行保險箱及存放於保險箱內的物品下落不明。東亞發言人稱，保險箱搬遷前透過信函及分行通告預先通知受影響客戶，以便客戶安排；據紀錄個案所涉保險箱是整棟搬遷，過程不涉開啟保險箱。

翁靜晶接受《蘋果》訪問指，最終聯絡上銀行，行方稱保險箱已遷至另一地址，但其「原本是爆滿的保險箱，𠵱家只係八成滿。裏面的東西，似乎是少了，至少有兩件首飾搵唔到。職員告訴我，搬運的時候，只有銀行職員在場，沒有律師或公證行監察。」

銀行指過程中沒開箱

翁又補充銀行只曾以平郵信件形式通知，提醒客戶如有易碎物品，應該移除，「牽涉約1,000個保險箱客戶，如果封信沒退回銀行，他們便就咁搬你個箱。如果平郵退番來，佢就會打電話通知箱主。咁我覺得好唔合理，畀幾千蚊一年（費用），喺保險箱一定係放好重要，好有紀念價值嘅嘢。銀行應該每一封信，加多幾蚊寄掛號，就算1,000個客戶，當每一個人要多付10蚊，但相對人哋物品價值，10蚊算得咩？銀行完全冇衡量輕重。」

東亞發言人回應本報查詢時稱，該行就保險箱搬遷有既定處理程序，亦會在保險箱搬遷前透過信函及分行通告預先通知受影響客戶，以便客戶作出安排。

據該行紀錄，翁小姐個案所涉保險箱是整棟由大埔廣場分行搬至同區大埔分行，過程不涉開啟保險箱，搬遷程序按業界保險箱最佳操作建議執行，該行會與翁小姐保持溝通，以作跟進。
■記者周鳳儀、黃珮琳