中國羽毛球公開賽正於江蘇常州舉行，應屆亞運混雙亞軍鄧俊文/謝影雪於八強淘汰印尼對手，昂首晉級四強；港隊一哥伍家朗則於男單八強不敵中國球手石宇奇出局。

鄧俊文/謝影雪自亞運後馬不停蹄，先戰日本公開賽，再赴常州。兩人於中國公開賽列為四號種籽，首圈挫俄羅斯組合；次圈面對馬來西亞組合陳健銘/賴沛君，「鄧謝配」苦戰三局驚險反勝晉級八強。兩人今日於八強鬥印尼組合蘇華迪/蘇珊圖（Ricky Karandasuwardi/Debby Susanto），結果只花半小時，即連贏21:15和21:11出線四強，明日將與亞運冠軍、中國組合鄭思維/黃雅琼爭入決賽。

男單方面，伍家朗於八強鬥中國球手石宇奇，最後以局數0:2（17:21、15:21）敗北，家朗賽後指自己一直受膝傷困擾，回港將詳細檢查，「今日我都發揮得唔係太好，其實打這個比賽前膝蓋也一直有點傷患，而打完頭兩場比賽後有嚴重咗啲，雖然對打波唔係好大影響，但始終心理上面都會有啲就住咗打。我有俾隊醫睇過，但都未完全清楚係咩事，都要再番香港睇一睇先。」

港隊兵分兩路，部分球手於印尼參加印尼大師賽，鄧旋於女單八強對日本球手Saya Yamamoto，鄧旋以21:7、21:16擊敗對手，晉級四強。

記者：洪量丰

--------------------
荷蘭殺神[紅SP]戴維斯參戰確定！立即下載 BFB CHAMPIONS 2.0，建立你的橙衫軍！ http://bit.ly/2xrTKGM
--------------------
《體蘋果》陪你睇波講波
https://www.fb.com/appledailysports