【韓流】年幼喪父 16歲李大輝日本拜祭亡父爆喊
李大輝Wanna One
韓國人氣男團Wanna One出道日子雖然好短,但人氣就爆晒燈,成員更出演多個綜藝節目,當中由佢哋11人一同出演嘅節目《Wanna One Go》,噚日播出一集就講到成員飛咗去日本,而此行亦令到年僅16歲嘅成員李大輝終於可以拜祭亡父。
16歲嘅李大輝嘅父親喺佢好細個時就離世,母親就身兼父職養大佢,李大輝讀完幼稚園後就先喺日本大阪住咗兩年,之後就再喺美國洛杉磯住咗6年,母親現時就喺美國。李大輝趁今次去日本就到當地拜祭亡父,佢仲買了束花送畀爸爸,原來佢曾經同父親約定見證住佢出道,但最後父親冇睇到佢成功出道就離世,佢喺鏡頭前面對亡父嘅墓碑,一時感觸流淚,自言太耐冇嚟探爸爸,又話:「我好想念。」隊友都即上前安慰李大輝,場面感人。
更多韓流,喺晒《娛果》
http://fb.com/appledailyent