日本男星赤西仁退出KAT-TUN後曾受前事務所尊尼封殺，令佢被當地各電視台禁止亮相，仲因為事業陷入低潮，導致女尊男卑使婚姻凍過水。

赤西仁同索妻黑木美沙奉子成婚已經四年幾，赤西仁成功打開內地市場，開完騷又拍劇，早前兩公婆趁4周年舉行婚宴派對，以行動打破婚變傳聞。

噚日，赤西仁出席澳門舉行嘅全球華語榜中榜暨亞洲影響力大典，仲捧走亞洲影響力最受歡迎日本藝人，真係威多次俾老婆睇。反觀黑木美沙今年就未有接演影視作品，而佢twitter都有update生活照，閒時做運動賞吓花咁，養家責任明顯已交番俾老公。

27歲嘅黑木美沙與31歲嘅赤西仁喺12年2月2日註冊，當誕下囡囡後，夫妻間不時傳出婚變消息，尤其赤西仁跟尊尼事務所解約後遭封殺，黑木便要賺錢養起成頭家，有指女尊男卑令雙方感情有變，黑木年前夥拍花弗男星小栗旬合演真人版電影《雷朋三世》，開拍期間一度傳出二人有路，但有指都係宣傳電影嘅煲水新聞。