【12：06更新】新增影片
一股溫暖潮濕的海洋氣流為廣東沿岸帶來有霧的天氣，連續數日均錄得相對濕度達80%以上，其中將軍澳一直是潮濕天氣的重災區，不少市民均在家居開抽濕機抽濕，將軍澳和明苑和暉閣一單位昨午發生火警，消防經調查後懷疑是抽濕機短路引致，事件引起市民關注抽濕機安全問題。

居於和明苑的林太，擔心抽濕機安全問題，所以放工返家便即時關掉抽濕機，「我哋呢度好濕，雪櫃、走廊，行出門口就要擔遮，水珠係咁滴。」她指一日要開10小時抽濕機，現時的抽濕機用了年多兩年，「一定要用㗎，否則啲衫晾4、5日都唔乾，一定要抽，雜嘜牌子唔會買，會買出名的牌子。」

蘇太則表示，開抽濕機期間，家裏一定有人看住，亦知道旁邊不要放雜物，「屋企冇人唔會開電器，電視機都會熄咗先走，抽濕機要搵有牌子、有口碑嘅先買，電器唔好接觸雜物，救都容易救。」她指每日開抽濕機約4小時，睡覺便會熄機，「要保護自己，電器驚無端端爆炸，死咗都冇人知。」

梁小姐家中並無抽濕機，但會開有抽濕功能的冷氣機，「覺得抽濕機麻煩，儲水有限，行開又唔放心，驚危險，通常在家先開冷氣機，覺得爽就熄機。」她指現時約開機3至4小時。

你敢爆，我敢獎！ 即Call《蘋果》24小時爆相爆片熱線 ：63836568