當年今日
關於我們

【一向嗌開寶寶】馮盈盈男友現真身 要求轉名做鍾醫生

蘋果日報 2019/08/10 15:56

吳業坤泰臣馮盈盈麥明詩

馮盈盈、吳業坤、泰臣為電影《憤怒鳥大電影》配音,今日在太古城舉行首映禮,馮盈盈醫生男友鍾文浩和好友麥明詩捧場,活動期間馮盈盈在台上接受示範,聲演一場由坤哥飾演她男友對話,稱呼坤哥做寶寶,想不到真寶寶會登時現身,男友在台下被追住拍照,顯得十分尷尬,後來活動尾聲再由馮盈盈安排下兩人大方合照,盈盈不忘讚男友靚仔。
盈盈受訪時笑說:「冇星級化妝師、髮型師,男友覺得好尷尬,佢今日專登放假嚟捧場,仲帶咗18位醫生朋友過嚟落力支持,我終於在工作方面可以益到佢。」現實生活盈盈坦言稱呼男友做寶寶,她說:「嗌咗好耐啦,佢開始要求轉名,想有型啲,嗌佢做鍾醫生。」盈盈繼續為男友護航:「佢到而家都未有面對鏡頭經驗,但有意喺幕前表演,要等佢考到專科醫生資格先,今日知道終於通過獲得風濕及臨床檢疫科資格,會密謀出幕前,今日帶佢嚟吸取經驗見大場面,希望有機會邀請佢上我同麥明詩節目做嘉賓。」又希望和男友組情侶當合作開節目,男友講醫學,她講飲食,做一對神鵰俠侶。
坤哥羨慕盈盈有男友及好友捧場,勁嗌so sweet,他唔執輸一拖二孖馮盈盈和麥明詩合照,裝作艷福無邊,但之後盈盈卻老實不客氣主動要求:「其實想同柏豪合照。」柏豪即應要求企在中間。泰臣為電影配音三日,坤哥自言配了四日要自我檢討。
採訪:卓寶花
攝影:仇志德

------------------------------
【每周送10萬】
升級壹會員獨家尊享,立即參加10萬火急大抽獎 !
*推廣生意的競賽牌照號碼:52302-9