韓國女團少女時代嘅27歲成員Tiffany噚日同30歲嘅Hip hop歌手GRAY再傳出戀情(相關新聞連結： http://bit.ly/2uBTROT )，不過SM就否認戀情。而噚日傳出緋聞後，今日Tiffany就聯同隊友，以及SM旗下嘅U-Know、BoA、NCT Dream、SHINee、Super Junior等現身首爾舉行嘅SM家族騷，Tiffany未受緋聞影響，騷腿示人，喺台上載歌載舞。

另外，由韓劇《未生》男星任時完、少時允兒及韓版《步步驚心》男星洪宗玄主演嘅MBC新劇《戀愛中的王》，將於17號首播，今日劇組再公開新海報谷劇，透露更多三人於劇中複雜嘅關係。

於公開嘅海報中，任時完一邊攬住允兒嘅腰一邊甜望對方，允兒亦表現害羞地低頭，暗示二人戀愛嘅關係。不過於另一海報中就見到洪宗玄望實允兒，暗示三角關係即將展開。

而劇組日前公開新預告片，當中見到更多允兒BB嘅武打場面。另外有一幕係允兒瞓喺任時完及洪宗玄中間，考起任時完及洪宗玄嘅友情。