噚晚港日宅男界傳來一宗悲報！喺日本AV界紅爆嘅混血AV女優Rio傳來引退消息，網上就流傳佢嘅將推出名為《引退》嘅作品封面，雖然仲未確實引退消息究竟係真定假，但Rio近年開始從良就有跡可尋。

當噚日於網上流傳Rio嘅《引退》封面，搞到唔少男士喺網上哀嚎，高登仔以「一個時代的終結」開po。其實Rio已經好耐冇作品，幾個月前佢幫AV作品拍封面，大家以為佢有新作品，原來係為咗佢嘅引退合集出新封面，睇嚟出完呢部作品，佢好有機會正式退出AV界。

現年29歲嘅Rio加入AV界已經10年，一出道已擁有超高人氣，以活潑風格聞名，佢亦係「惠比壽麝香葡萄」嘅成員，佢喺11年及13年隨組合來港表演，有「AV界Angelababy」之稱。