高山症吸氧氣開工
黎明：我係怪怪哋雞

蘋果日報 2016/02/20 00:00

黎明（Leon）前晚現身旺角新戲《消失的愛人》首映禮，被導演黃真真大爆在雪山拍攝時曾出現高山症徵狀。她說：「Leon同我講，叫我roll機嗰陣開聲，佢要吸一吓氧氣先。」事後Leon接受訪問時，話拍戲時個嘴變了芋頭般顏色，他說：「戲入面要爬山要碌落嚟，試過唔得都要落山唞唞。」
empty
黎明一手抱起飾演其兒子的何承蔚上台，盡顯「父愛」。
empty
導演黃真真大爆戲中演員包括黎明、王珞丹、石修等人在拍攝時要綁三個氧氣樽在身上。
empty
黎明已有一段時間沒有出席公開活動，前晚便吸引大批fans捧場。
同細路冇代溝
貴為金句王，Leon當然要拋金句，司儀問他在片場怎樣與飾演兒子的小演員溝通，Leon說：「冇乜溝通喎！呃你啫，係冇乜代溝囉，除咗媾女，我哋乜都傾。」談到網民讚他fb po相夠風趣，Leon說：「我一向都係怪怪哋雞嘅，覺得你OK就覺得你風趣，唔OK就覺得你古怪。」將於4月開演唱會的Leon，談到操練體能，金句王又說：「平時都會做運動，唔愛錫身體好易瓜，阿媽阿嫲都會鬧！」
有指衛蘭和李治廷先後約滿離開，公司已沒有藝人，Leon即叉腰瞪大眼說：「得我囉！」至於專誠來捧導演場的周秀娜，就坦言希望在戲中和Leon飾演情侶。
採訪：王連連
攝影：陳俊強
empty
周秀娜表示如果可以和黎明飾演情侶，會要求加插親熱戲份。