五十二歲、自稱為「老太婆」的黃秀蓉，中風十一次，以致半身癱瘓，終身依靠輪椅出入；十二年間因百病纏身，多次在死亡邊緣徘徊，人生陷入低谷之際，更遭枕邊人拋棄。然而，上天從沒有遺忘這個「老太婆」，給她至親和勇氣去面對生命中的逆境。「𠵱家雖然經濟唔好又有肺炎病毒，希望大家唔好咁易放棄，任何事情都可以解決。」她語重心長說。

經歷過多番的死裏逃生，坐在輪椅上的秀蓉不諱言人生餘下的歲月是意外地賺取回來，病魔的折騰令她痛不欲生，深深體會到生命可貴。「其實我都係一個好普通嘅老太婆，每日要食十幾種藥，以我周身病痛，都選擇積極面對人生；𠵱家咁嘅時勢，好多人都要面對逆境，但希望大家唔好咁易放棄，遇到困難要盡量同朋友或者屋企人分享，唔好鑽牛角尖，試吓喺好嗰方面諗，千祈唔好隨便放棄生命。」她一再勉勵大眾。

丈夫出走　生無可戀
黃秀蓉婚後育有三名兒女，一家五口原本生活愉快。可是，自八○年開始，她面對生命中的連場噩夢，在家中突然中風入院，十二年間，中風十一次，導致下半身癱瘓，依靠電動輪椅代步。中風後，她的神經膜嚴重受損，除了失去語言及右耳的聽覺能力之外，雙眼曾一度失明。其間她患上糖尿病、心臟病及高血壓，留院治療期間，更不幸地先後發現罹患食道癌、子宮癌及腸癌，自此成為醫院深切治療部的「常客」。病榻中的她軟弱無助，丈夫竟離家出走，使其情緒接近崩潰。
「嗰陣時喺醫院住咗好幾年，瞓唔到覺，又講唔到嘢，由大小便以至沖涼全部都要靠人幫手，個身又插住啲針藥，覺得好痛、好慘，為咗止痛我試過一日打幾次嗎啡，有幾次我重掹咗插喺我身上啲喉管出嚟，結果俾護士發現救番我。」談及此事，她沉默了數秒後續說：「我諗起啲細路得六、七歲，若果冇人理佢哋，就要送去保良局，好可憐；後來醫生重同我講，做人嘅責任係要面對困難，唔可以成日放棄自己。」