賭王千金何超蓮進軍飲食業，喺銅鑼灣開設牛肉麵店，更不時會到舖頭打躉做生招牌㖭，但超蓮除咗要處理自己嘅生意，佢亦相當有善心，經常為自己成立「Smile with us HK」出席活動，日前佢就同品牌合作推動幫助聾童，首播早前合作拍攝一段宣傳短片，片中見超蓮親身以手語表達和小朋友溝通。

但超蓮除咗工作，佢都好識得抽時間令自己放鬆㗎，好似今日佢就係ig貼咗一張出海玩wakesurf嘅相，超蓮真係有姿勢有實際，成個風之后咁款，型到爆呀！佢留言話：「第一次wakesurf甩的掉繩子我滿意了#當然就是為了拍照 #1分鐘也算 #下次會更好」，嘩，原來超蓮只係第一次玩wakesurf(無繩速滑)，已經咁叻，難怪好多網民都留言大讚佢好型，仲有網民話：「平衡唔錯，遲啲應該可以玩花式，順便可以諗下籌款。」咦！唔知超蓮會唔會考慮下真係玩吓花式滑水籌款呢！？

精選娛聞，喺晒《娛果》
http://fb.com/appledailyent