當年今日
關於我們

樓上咖啡之二:訂枱都未必有位坐!

蘋果日報 2007/11/19 00:00


唔想屈膝於旺角及銅鑼灣的蚊型Cafe,被迫聽隔籬枱說三道四,望住碟無味炸雞翼同厚多士,灰晒!一於教你撲去長沙灣搵食,工廠區?NO!商業樓宇至真!呢度白領一族多到你唔信,茶餐廳、中菜館開個不停,開業已有兩年的UnoUno早就攻陷一眾OL心,大廚坤哥說:「Lunch必爆場,Book枱都未必得!好多客寧願WalkIn,企門口等幾個字。」咁咪冇咗四分一時間?為了一碟碟真誠製作的意大利菜及蛋糕,花多一點時間及金錢又何妨?UnoUno屢獲好評,大讚拍得住酒店級數,事關老闆捨得用貴價食材,牛扒、羊鞍竟是來自元朗的鮮肉,並非急凍肉;差不多每枱必點的Homemade蛋糕也出自天然,不加人造色素及香料,唔怪得咁多OL行足幾條街,都要外賣返公司當下午茶啦!UnoUno由300平方呎蛋糕批發餅房,擴充為5,000平方呎的餐廳加餅房,店面已坐擁超過1,800平方呎,食晏時坐滿近百人,也不覺迫迫狹狹。食物及環境水準超晒班,平均消費只需$50至$100左右,原來「工廠區」都有好嘢食㗎!

記者:盧家蕙 
攝影:陳陶鈞
綠茶紅豆蛋糕(前)
雲石芝士蛋糕(後)各$22
紅豆先以糖水浸泡,加入大量日本綠茶粉,味道濃淡得宜;芝士蛋糕非常滑溜濃郁,絕不嚡口。
empty
農場鮮嫩牛扒配焗薯菜燒汁$68/套餐
新鮮牛扒肉味濃郁,入口Juicy,自己買塊靚扒煎都差不多價錢,仲要跟套餐,難怪受白領客仔追捧。
empty
法式香草蒜茸焗羊鞍$98/套餐
先煎後焗的羊鞍,因已鎖緊了肉汁,內裏生一點更好吃,充滿獨特的羶香鮮羊肉,嗜羊之人必食。
empty
UnoUnoCafe(27272525)
地址:長沙灣道750號廣大工廠中心一樓
營業時間:11:30am-10:30pm(星期日及公眾假期休息)